Autoritetet në Davenport, po kryejnë operacione kërkimi dhe shpëtimi pasi një ndërtesë apartamentesh gjashtëkatëshe u shemb pjesërisht të dielën, duke bërë që zyrtarët të gjejnë rrjedhje gazi dhe uji mes rrënojave.

"Kjo është një skenë aktive, ne do të vazhdojmë të punojmë, të vazhdojmë të vlerësojmë dhe me gjithë qëllimin për të gjetur njerëz dhe për t'i nxjerrë ata jashtë," tha kryetari i bashkisë së Davenport, Mike Matson, në një konferencë shtypi të dielën mbrëma.

Autoritetet tregojnë se shtatë persona janë shpëtuar.

 Zyrtarët nuk thanë se sa njerëz janë ende të pagjetur apo sa banorë janë zhvendosur nga dëmtimi i ndërtesës. Zona do të mbetet e mbyllur pasi janë duke u zhvilluar përpjekjet e kërkimit dhe një hetim për shembjen, thanë zyrtarët.

Shkaku i shembjes ende nuk është bërë i ditur.