Një fluturim nga Aeroporti i Sydneyt të Australisë drejt Londrës në Britaninë e Madhe, po synon të thyejë rekord për fluturimin më të gjatë në botë. Ky relacion pritet të zgjasë afro 24 orë, ndërsa po konsiderohet si më i gjati në histori.

Distanca ajrore mes dy vendeve llogaritet të jetë mbi 16 mijë kilometra, e fluturimi pritet të kryhet gjatë 2025-s, shkruan "Thestreet".

Fluturimi do të bëhet nga avioni Airbus A350-100, me kapacitet për të transportuar afro 400 pasagjerë.

Projekti i quajtur Project Sunrise, ka kryer një numër testimesh, ndërsa kanë ngelur të kryhen edhe disa të tjera.

Rekordin botëror e mban fluturimi i kompanisë ajrore Air Tahiti, që kishte nisur një avion në 2020-n nga Aeroporti Ndërkombëtar i Faa'a, zonë franceze në Oqeanin Paqësor, drejt Parisit.