Filmi kosovar i shumë përfolur, “Adnan Kafazi”, pas suksesit në kinematë vendore dhe të rajonit, udhëton në Zvicër.

Filmi do ta fillojë shfaqjen në kinematë më prestigjioze në Zvicër si, “Pathe Cinemas”, “Arena Cinemas” dhe “Cinewil”.

Pas Zvicrës filmi do ta vazhdojë rrugëtimin edhe në Gjermani dhe Austri.

Nën regji të Genc Berishës, “Adnan Kafazi” kompleton trilogjinë, që nisi me “Zonjusha” dhe “Diamanti”. Dhuna e vrasja në film “zbuten” me komedi. Ai i sjellë në ekran të madh personazhet e dashura për publikun, Vuça, Bulli, Zagi dhe Lina, tek kalojnë kohën më të mirë të jetës së tyre pasi edhe gjendjen financiare e kanë të tillë. Por gjithçka ndryshon kur del në pah personazhi i ri negative, Adnan Kafazi. Banda vendos të kthehet në Kosovë. Kur merret vesh se Adnani është shumë më i fortë, metoda e vjetër për të luftuar gangsterët nuk do të funksionojë dhe në këtë mënyrë rrezikojnë jetën e tyre.