Kryetari i Prishtinës, Përparim Rama, ka njoftuar të martën është bërë prezantimi i planit të detajuar për spitalin e kryeqytetit.

Ai ka bërë të ditur se ndërtimi i tij pritet të fillojë këtë vit dhe se tashmë është ndarë parcela në Prishtinën e Re si dhe buxheti prej 1.3 milionë eurove.

“Spitali i Prishtinës po vjen! Sot u bë prezantimi i planit të detajuar për Spitalin Gjeneral të Prishtinës, ndërtimi i të cilit pritet të fillojë këtë vit! Për Spitalin janë ndarë parcela në Prishtinën e Re dhe buxhet prej 1.3 milionë euro”, ka shkruar Rama në Facebook.

Ai tutje ka bërë të ditur se spitali do t’i ketë 200 shtretër, me këto departamente kryesore: kirurgjia, internistika, gjinekologjia dhe pediatria.