Arkeologët në Kinë kanë gjetur mbetjet e asaj që duket të jetë tualeti më i vjetër në botë.

Pjesë të thyera të tualetit 2,400-vjeçar, si dhe një tub, u zbuluan verën e kaluar nga një ekip kërkues mes rrënojave të një pallati të lashtë në zonën arkeologjike Yueyang.

Duke e përshkruar si “objekt luksoz”, tualeti mendohet se ka qenë i vendosur brenda pallatit, me një tub që çonte jashtë ndërtesës.

Nga kërkuesit u tha se ai mund të jetë përdorur nga zyrtarë të lartë dhe se me shumë gjasë shërbëtorët kanë hedhur ujë në të sa herë që dikush e ka përdorur.

Arkeologët tani po analizojnë mostrat e mbledhura nga tualeti me shpresën se do të gjejnë se çfarë kanë ngrënë njerëzit gjatë asaj kohe.