Shërbimi Korrektues i Kosovës mban sot ceremoninë solemne të diplomimit të gjeneratës së 46-të të Trajnimit Profesional për Zyrtarë Korrektues.

Në ceremoninë që mbahet në Akademinë e Kosovës për Siguri Publike në Vushtrri, duke filluar nga ora 10:00, do të diplomojnë 100 kadetë.

Në këtë ngjarje pritet të marrin pjesë përfaqësues të institucioneve të larta të Kosovës, përfshirë kryeministrin në detyrë Albin Kurti, zëvendëskryeministren dhe ministren në detyrë të Drejtësisë, Donika Gërvalla, si dhe drejtues të Shërbimit Korrektues dhe Akademisë së Kosovës për Siguri Publike.