Është publikuar traileri i ri i filmit The Odyssey, projekti më i fundit nga regjisori i njohur Christopher Nolan, i bazuar në poemën klasike të Homerit.

Filmi ndjek historinë e Odiseut dhe udhëtimin e tij dhjetëvjeçar pas Luftës së Trojës, me Matt Damon në rolin kryesor. Traileri sjell pamje nga aventurat epike, përfshirë përballjen me ciklopin, si dhe konfliktin në Itakë, ku Robert Pattinson interpreton Antinousin, një pretendent për fronin.

Në kast bëjnë pjesë edhe Anne Hathaway dhe Tom Holland, ndërsa interesimi për filmin ka qenë i jashtëzakonshëm, me biletat për shfaqjet IMAX që janë shitur shumë herët.

Filmi pritet të dalë në kinema më 17 korrik 2026 dhe konsiderohet një nga prodhimet më të mëdha të verës.