OpenAI njoftoi të hënën se do të blejë 6 gigavatë fuqinë kompjuterike nga data center-e që do të përdorin vetëm çipe AMD, duke sfiduar dominimin e Nvidia-s në industrinë e AI-së.

Ndërkohë që partneriteti i mëparshëm me Nvidia prej 100 miliardë dollarësh vazhdon, OpenAI thotë se marrëveshja me AMD është “shtesë” për të garantuar kapacitetin e lartë të nevojshëm për projektet e AI, duke përfshirë gjeneratorin e ri të videove Sora 2.

Ky hap rriti aksionet e AMD me 36% në tregun para hapjes, ndërsa të Nvidia-s ranë me 2%. Marrëveshja përfshin gjithashtu 160 milion aksione AMD për OpenAI, me vlerë mbi 26 miliardë dollarë, që do të lirohen gradualisht ndërsa arrihen objektivat teknologjike.

OpenAI dhe AMD synojnë të ndërtojnë kapacitetin kompjuterik të nevojshëm për të realizuar potencialin e plotë të AI-së. Analistët e vlerësojnë këtë si një “fitore të dyfishtë” për industrinë, duke theksuar se diversifikimi i furnizimeve është thelbësor në një treg AI që rritet me shpejtësi.