Sydney Sweeney nuk e përjashton rolin në “Barbie 2”

Film | 10.07.2025 Ora 8:03

Aktorja Sydney Sweeney ka deklaruar se nuk do të ishte kundër një roli në një vazhdim të mundshëm të filmit Barbie, përkrah Margot Robbie. Në një intervistë për Bustle, ajo shprehu admirimin për Robbie dhe theksoi se do të shqyrtonte ofertën nëse do t’i jepej skenari: “Jam një fanse shumë e madhe… do ta lexoja skenarin, por nuk do të isha kundër.”

Megjithëse Warner Bros. është e hapur për një vazhdim, Margot Robbie më parë është shprehur se nuk e sheh një të tillë të realizueshëm, duke theksuar se filmi i parë ka qenë një projekt i plotë në vetvete dhe nuk është konceptuar si seri.

Në të njëjtën intervistë, Sweeney ndau edhe disa detaje rreth sezonit të tretë të Euphoria, që tashmë ka hyrë në prodhim. Ajo tha se do të jetë një “udhëtim i çmendur” dhe shtoi se ishte “shumë e befasuar” nga zhvillimi i ngjarjeve për personazhin e saj, Cassie.