Ryan Reynolds ka kërkuar nga gjykata që ta heqë si të paditur nga padia për shpifje prej 400 milionë dollarësh e ngritur nga Justin Baldoni, duke argumentuar se akuzat kundër tij nuk kanë bazë ligjore dhe reduktohen vetëm në "ndjenja të lënduara".

Në dokumentet e dorëzuara të martën, avokatët e Reynolds pretendojnë se padia bazohet në dy raste kur ai e ka quajtur Baldonin "grabitqar", por nuk ka asgjë në padi që të sugjerojë se ai nuk e besonte këtë vërtet. Sipas tyre, kjo është një opinion i mbrojtur nga Kushtetuta.

Baldoni e akuzon Reynolds-in dhe bashkëshorten e tij, Blake Lively, për përpjekje për të "shkatërruar" karrierën e tij dhe për të marrë kontrollin kreativ të filmit It Ends With Us. Ai gjithashtu pretendon se Reynolds e ka tallur në filmin Deadpool & Wolverine duke e portretizuar me një personazh të quajtur "Nicepool".

Nëse gjykata nuk pranon kërkesën e Reynolds për ta hequr nga padia, aktori mund të thirret për të dëshmuar në një proces gjyqësor që pritet të zhvillohet në mars 2026.