Kosova sot mban stërvitjen e dytë para sfidës me Rumaninë

Sport | 03.09.2024 Ora 10:13

Kombëtarja e Kosovës në futboll, sot do të mbajë stërvitjen e dytë para ndeshjes me Rumaninë.

Dardanët dhe rumunët do të përballen të premten mbrëma në ‘Fadil Vokrri’ në ndeshjen e parë të sezonit të ri në Ligën e Kombeve.
Federata e Futbollit të Kosovës përmes një njoftimi, ka bërë më dije se “stërvitja e dytë e Kombëtares sonë do të mbahet sot në Kampin Nacional në Hajvali në orën 11:00”.

Ndërkohë, edhe Kombëtarja e Kosovës U21 është duke u përgatitur për ndeshjen me Izraelin, ndeshje kjo që do të luhet më 10 shtator në Hungari.

Dardanët e rinj stërvitjen e radhës do të mbajnë sot pasdite në stadiumi ‘Agron Rama’ në Obiliq, seancë që nis në orën 17:00.