Radio Plus 102.2 FM
call + 383 44 776 000
Dëgjo Radio Plus Live
Kina dhe Rusia kanë filluar stërvitjet detare në Detin e Kinës Jugore, duke forcuar kështu lidhjet ushtarake dhe tregtare mes dy vendeve. Ceremonia e hapjes së stërvitjes detare ruso-kineze “Bashkëpunimi Detar 2024”, u zhvillua në portin kinez të Zhanjiang.
Gjatë manovrave të tyre detare, ekuipazhet e anijeve të Flotës Ruse të Paqësorit dhe Marinës kineze kryen stërvitje të përbashkëta të mbrojtjes ajrore dhe stërvitje anti-nëndetëse. Agjencia shtetërore e lajmeve në Rusi raportoi se Marina Ruse dhe Marina Kineze kryen gjuajtje me artileri si pjesë e stërvitjeve të përbashkëta.
Kina dhe Rusia deklaruan një partneritet pa kufij në vitin 2022, kur Presidenti Vladimir Putin vizitoi Pekinin vetëm disa ditë para se të dërgonte mijëra trupa në Ukrainë. Kina ende nuk e ka dënuar pushtimin e Ukrainës dhe ka rritur eksportet e saj në Rusi, duke ndihmuar Moskën të mbajë në këmbë ekonominë e saj të luftës.