Në Kramovik të Rahovecit do të mbahet ceremonia zyrtare e nisjes së ndërtimit të Parkut Solar Fotovoltaik me kapacitet prej 105 megavatësh (MW), një nga projektet më të mëdha të energjisë së ripërtëritshme në Kosovë.

Në këtë ngjarje do të marrin pjesë kryeministri në detyrë, Albin Kurti, dhe ministrja në detyrë e Ekonomisë, Artane Rizvanolli, të cilët do të flasin për rëndësinë e projektit në rritjen e prodhimit vendor të energjisë, tranzicionin energjetik dhe forcimin e sigurisë energjetike të vendit.

Ceremonia do të mbahet në Kramovik të Rahovecit, në rrugën “Beteja e Marsit”, duke filluar nga ora 14:00.