Oxford Dictionary ka zgjedhur “rage bait” si Fjalën e Vitit 2025, duke nënvizuar efektin e përmbajtjes online të krijuar qëllimisht për të nxjerrë zemërim dhe për të rritur angazhimin. Përdorimi i këtij termi është trefishuar këtë vit, duke reflektuar rritjen e ndjeshme të debateve polarizuese dhe reagimeve të nxitura nga algoritmet e rrjeteve sociale.

Fenomeni nuk është gjithmonë i dëmshëm; shpesh përfshin situata qesharake ose përqeshje të vogla. Por gjithashtu ka hyrë në fushën politike, ku zemërimi i prodhuar përdoret për të rritur profilin e figurave publike dhe për të nxitur reagime zinxhir.

Ekspertët nënvizojnë se termi “rage bait” dhe konceptet e ngjashme si “brain rot” tregojnë sesi platformat dixhitale po transformojnë jo vetëm gjuhën tonë, por edhe sjelljet dhe mënyrën si mendojmë në epokën online.