“Ne Zha 2” mbërrin në HBO Max pas suksesit global të box office-it

Film | 24.11.2025 Ora 8:29

Filmi i animuar kinez “Ne Zha 2”, më i suksesshmi i vitit 2025 dhe filmi i pestë më fitimprurës i të gjitha kohërave në botë, do të jetë i disponueshëm për shikim në HBO Max gjatë sezonit të festave. Sequel-i i origjinalit ka gjeneruar mbi 2 miliardë dollarë globalisht dhe tani do të mund të ndiqet në versionin anglisht më 24 dhjetor, ndërsa filmi i parë do të debutojë në platformë më 1 dhjetor.

Përgjatë vitit, “Ne Zha 2” arriti të tejkalojë hite si “Inside Out 2”, “Avengers: Infinity War” dhe “Spider-Man: No Way Home”, duke u bërë filmi i animuar më fitimprurës i të gjitha kohërave. Me këtë debutim në HBO Max, filmi pritet të arrijë një audiencë më të gjerë në SHBA dhe të vazhdojë suksesin global.