Ellie Goulding ka publikuar këngën e saj të re solo, Destiny, e para pas albumit të suksesshëm Higher Than Heaven (2023). 38-vjeçarja e njohur e pop-it tha se kënga i dha ndjesinë e fuqizimit dhe lirisë, duke e përjetuar si një “moment triumfues, si të hidheshe nga një shkëmb”.

Goulding, e cila ka djalin Arthur, katër vjeç, me ish-bashkëshortin Caspar Jopling, shpjegoi se ky projekt është shumë personal dhe përmban përvoja nga jeta e saj. Ajo tha se procesi i krijimit ka qenë i gjatë dhe kërkues, por shpërblimi është kënga vetë dhe ndjesia e lirisë që ofron.

Videoklipi i këngës, nën regjinë e Floria Sigismondi, do të publikohet të premten, 14 nëntor, ora 15:00 GMT. Albumi i ri i Ellie pritet të dalë vitin e ardhshëm, dhe sipas saj do të jetë më i personal dhe i zhvilluar krahasuar me punën e mëparshme.

Kënga Destiny vjen pas bashkëpunimit të saj me Calvin Harris në Free, të publikuar vitin e kaluar.