Adele po ndërmerr një hap të ri në karrierë, duke u përpjekur si aktore. Këngëtarja e njohur me Grammy dhe Oscar do të shfaqet për herë të parë në filmin e ri të Tom Ford, Cry To Heaven, bazuar në romanin e Anne Rice (1982).

Filmi tregon historinë e dy burrave në Itali të shekullit XVIII: një fisnik venecian dhe një këngëtar operash i kastruar, të cilëve jetët u përzihen në mënyrë të paparashikueshme. Në kastin e yjeve janë Nicholas Hoult, Aaron Taylor-Johnson, Colin Firth, Mark Strong, Paul Bettany, Thandiwe Newton dhe Owen Cooper.

Sipas Deadline, filmi është në fazën e para-prodhimit në Londër dhe Romë dhe pritet të nisë xhirimet në janar, me lançim të planifikuar në vjeshtën e 2026-ës. Adele kishte njoftuar vitin e kaluar se do të merrte një “pushim të madh” nga muzika për të eksploruar projekte të tjera kreative.

Ky do të jetë debutimi i saj serioz si aktore pas një cameo-je në Ugly Betty (2009) dhe këngës së famshme Skyfall për filmin James Bond (2012).