Roy Ayers, legjenda e jazz-it ndahet nga jeta në moshën 84-vjeçare

Muzikë | 06.03.2025 Ora 14:51

Muzikanti legjendar, Roy Ayers, ka ndërruar jetë në moshën 84-vjeçare, pas një sëmundjeje të gjatë.

Familja e tij konfirmoi lajmin në një deklaratë zyrtare, duke bërë të ditur se ai u nda nga jeta më 4 mars 2025, në New York City. Ata e përshkruan si një artist me shumë ndikim dhe një bashkëpunëtor të kërkuar në industrinë muzikore.

Ayers ishte një figurë kyçe në zhvillimin e jazz-funk dhe një nga pionierët e neo-soul, duke ndikuar breza të tërë artistësh.

Hiti i tij i famshëm “Everybody Loves the Sunshine” mbetet një nga këngët më të njohura të tij dhe ka frymëzuar artistë të shumtë në hip-hop dhe R&B. Për dekada, Ayers ka qenë një forcë e rëndësishme në muzikën bashkëkohore, duke lënë një trashëgimi të pasur që do të ndikojë gjeneratat e ardhshme.