Ylli i hitit “Kiss Me More”, emri i vërtetë Amala Dlamini, u bashkua me RAYE dhe Lisa nga BLACKPINK për të interpretuar një përmbledhje të këngëve ikonike të filmave James Bond në ceremoninë e mbajtur të dielën në Dolby Theatre, Los Angeles.

Gjatë performancës, Doja solli versionin e saj të Diamonds Are Forever, një klasik i kënduar fillimisht nga Shirley Bassey për filmin me të njëjtin emër të vitit 1971.

 Megjithatë, disa kritikë e akuzuan artisten se nuk arriti të godiste të gjitha notat e larta. Duke reaguar në Instagram të hënën, Doja pranoi se emocionet kishin ndikuar tek ajo. “Faleminderit Oscars dhe Vanity Fair që më ftuan.

Rrallë më jepet mundësia të këndoj kështu dhe ajo që bëra ishte e guximshme dhe e frikshme për mua,” shkroi ajo. “E di që shumë njerëz nuk e pëlqyen, por shumë të tjerë po, dhe ndihem mirë që e shtyva veten përtej limiteve.”

Ajo shtoi se shpreson të performojë në evente të ngjashme në të ardhmen.