Carl Dean, bashkëshorti prej gati 60 vitesh i ikonës së muzikës country, Dolly Parton, ka ndërruar jetë në moshën 82-vjeçare në Nashville, Tennessee.

Dolly e ndau lajmin me ndjekësit e saj, duke shkruar: "Carl dhe unë kaluam shumë vite të mrekullueshme bashkë. Fjalët nuk e përshkruajnë dot dashurinë tonë prej më shumë se 60 vitesh. Faleminderit për lutjet dhe ngushëllimet tuaja."

Çifti u takua për herë të parë jashtë një lavanderie ditën e parë kur Dolly mbërriti në Nashville, vetëm 18 vjeç. Ata u martuan dy vite më vonë, më 30 maj 1966, në një ceremoni private në Ringgold, Georgia.

Edhe pse Carl qëndroi larg vëmendjes publike, ai ishte një frymëzim për shumë nga këngët e Dolly-t, përfshirë hitin e famshëm "Jolene", i cili, siç ka treguar Dolly, u frymëzua nga një bankiere që kishte një simpati për Carl-in.

Pavarësisht thashethemeve që ai nuk ekzistonte, Dolly shpesh bënte shaka për këtë, duke thënë: "Shumë njerëz thonë se Carl Dean nuk ekziston, që e kam sajuar për të mbajtur të tjerët larg meje."

Carl Dean nuk pati fëmijë me Dolly-n dhe i mbijetojnë motra e tij Sandra dhe vëllai i tij Donnie.