Muzikanti 45-vjeçar Peter Doherty, i njohur më së shumti si bashkë-vokalist i grupit indie rock The Libertines, ka publikuar këngën e tij të re Calvados, singli i dytë nga albumi i tij solo i ardhshëm Feel Better Alive, që do të dalë më 16 maj.

 Calvados, emëruar sipas pijeve tradicionale franceze nga rajoni i Normandisë, ai tregoi se si një banor vendas e njohu me prodhimin tradicional të Calvados, duke e çuar nëpër ferma të vjetra që e përgatisin atë brez pas brezi.

Për videoklipin e këngës, Doherty organizoi një konkurs për fansat, ku u përzgjodh animacioni i Natalie Sidorenko / SadLip.

Për të festuar daljen e albumit, ai do të mbajë disa performanca të vogla dhe firmosje autografesh në pesë qytete të Mbretërisë së Bashkuar nga 16 deri më 21 maj, duke përfshirë Leeds, Liverpool, Nantwich, Kingston dhe Londrën.