Liam Payne, ish-anëtari i One Direction, ndërroi jetë në tetor të vitit 2024, në moshën 31-vjeçare, pasi ra nga ballkoni i katit të tretë të një hoteli në Buenos Aires, Argjentinë.

 Sipas një raporti të ri nga Prokuroria Publike e Argjentinës, analiza e gjakut tregoi se Payne kishte një nivel alkooli deri në 2.7 gramë për litër (0.27%), më shumë se trefishi i kufirit ligjor për drejtimin e automjeteve në Mbretërinë e Bashkuar (0.08%).

 Ky nivel mund të shkaktojë çorientim, konfuzion dhe humbje të ndjeshme të aftësive, ndërsa nivelet më të larta mund të jenë fatale.

Gjithashtu, në organizmin e tij u gjetën gjurmë të kokainës dhe të antidepresantit. Autopsia konfirmoi se shkaku i vdekjes ishte trauma e shumtë dhe hemorragjitë e brendshme dhe të jashtme.