Gjykatë federale e apelit ka konfirmuar dënimin e këngëtarit R. Kelly me 30 vjet burgim për trafikim dhe shfrytëzim seksual, duke konstatuar se ai ka shfrytëzuar famën për më shumë se 25 vjet për të abuzuar seksualisht me vajza dhe gra të reja.

Agjencia e lajmeve Associated Press ka shkruar se vendimi u mor nga Gjykata e Apelit në Manhattan të mërkurën, pas shqyrtimit të argumenteve vitin e kaluar.

R. Kelly, fitues i çmimeve “Grammy” dhe krijues shumë i suksesshëm i këngëve, u dënua në vitin 2021 për disa akuza, përfshirë trafikim seksual dhe krime të tjera lidhur me shfrytëzimin e të miturve.

Avokatja Jennifer Bonjean, e cila përfaqëson R. Kellyn, ka thënë se ajo beson që Gjykata e Lartë do të pranojë ta shqyrtojë apelimin, duke e quajtur vendimin e Gjykatës së Apelit “të paprecedentë” dhe duke pohuar se ai u jep prokurorëve liri të pakufizuar për të aplikuar siç ka thënë ligjin e shantazhit. 

Vitin e kaluar, Gjykata e Lartë ka refuzuar të shqyrtojë një apel lidhur me një dënim prej 20 vjetësh që R. Kelly mori për akuza të abuzimit seksual me fëmijë në Çikago, përfshirë akuza për prodhimin e imazheve të abuzimit seksual të fëmijëve.

Gjykata e Apelit hodhi poshtë pretendimet e R. Kelly për mospërputhje të provave të gjyqit, për shqetësime mbi kushtetutshmërinë e disa ligjeve shtetërore që u përdorën kundër tij, për paragjykimin e katër anëtarëve të jurisë për vendimet e gabuara të gjykatësit dhe për përdorimin e një akuze të shantazhit që zakonisht përdoret në rastet e krimit të organizuar.

“Mundësuar nga një grup menaxherësh, asistentësh dhe anëtarë të tjerë të stafit për më shumë se 25 vjet, Kelly shfrytëzoi famën e tij për të joshur vajza dhe gra të reja”, thuhet në vendimin e gjykatës, ku theksohet se pjesëtarë të rrethit të tij e ndihmuan atë të takohej me vajza të mitura. 

“Provat gjatë gjykimit kanë treguar se ai i izolonte ata nga miqtë dhe familja, kontrollonte pothuajse çdo aspekt të jetës së tyre dhe i abuzonte ata verbalisht, fizikisht dhe seksualisht”, ka shtuar paneli i gjyqtarëve.

Gjykata gjithashtu ka thënë se nuk ishte “as arbitrare, as iracionale” që disa akuzuese të dëshmonin gjatë gjyqit se Kelly i ka infektuar me sëmundjen e herpesit pa u treguar atyre se kishte një sëmundje seksualisht të transmetueshme, dhe se nuk ishte dëmtuese apo e përsëritur që të lejoheshin të dëshmonin shtatë dëshmitarë që nuk ishin ende të rritur kur Kelly filloi t’i abuzonte.
Në një pjesë të mosmarrëveshjes, një gjyqtar i Gjykatës së Apelit, Richard J. Sullivan, ndau mendimin për një shpërblim për një viktimë për një furnizim të përjetshëm me ilaçe për herpes. Avokatja Bonjean e quajti këtë shpërblim një tentativë për të pasuruar padrejtësisht dëshmitarët.

R. Kelly, i njohur për këngën hit “I Believe I Can Fly” dhe për serinë e këngëve “Trapped in the Closet”, kishte shitur miliona albume dhe mbeti i kërkuar, edhe pas akuzave për abuzimin me vajza të reja që nisën të qarkullojnë që prej vitit 1990.