Filmi "Horizon: An American Sage - Chapter 1", i cili është shfaqur për herë të parë në qershor 2024, është bërë një hit në platforma streaming gjashtë muaj pas lansimit. Edhe pse ka arritur të fitojë vetëm 38.7 milion dollarë kundrejt një buxheti prej 100 milion dollarësh, filmi i Kevin Costner ka gjetur sukses në Netflix, duke hyrë në Top 10 gjatë javës së parë.

Në një intervistë me Decider, Costner flet për suksesin e vonuar të filmit dhe thotë se ky sukses tregon kërkesën e qëndrueshme për filma western. Ai thekson se ajo që e bën këtë film ndryshe nga të tjerët është fokusimi në historitë e pashprehura të grave gjatë periudhës. Siç shprehet ai:

“Mendoj se është interesante që filmi është akoma në kërkim pas gjashtë muajsh, pa pasur shumë promovim. Po qëndron mes filmeve më të mëdha të vitit dhe është transmetuar më shumë se ato. Ky është një shenjë që njerëzit duan të shkojnë në vende të ndryshme në zemrën dhe mendjen e tyre. Ky film ka gra në rol kryesor, dhe ato janë pjesë e domosdoshme e historisë së Perëndimit.”