Korean Air është emëruar si linja ajrore më e mirë për vitin 2025 nga AirlineRatings.com, duke mposhtur fituesin e vitit të kaluar, Qatar Airways. Komoditeti i pasagjerëve dhe ruajtja e hapësirës në klasin ekonomik ishin faktorët kryesorë për këtë vlerësim.

Ndërsa shumica e linjave kanë ngushtuar ulëset dhe reduktuar hapësirën për këmbët, Korean Air ka ruajtur konfigurimin e saj fillestar, duke ofruar më shumë rehati për udhëtarët ekonomikë. Po ashtu, bashkimi me Asiana Airlines u përmend si një tjetër faktor kyç për suksesin e saj.

Në listën e linjave më të mira për vitin 2025, Air New Zealand u rendit e treta, ndërsa Cathay Pacific zuri vendin e katërt. Në kategorinë e linjave me kosto të ulët, AirAsia kryesoi, ndërsa JetBlue u shpall si linja më e mirë hibride.