Deri në vitin 2035, Google planifikon të furnizohet me energji nga shtatë reaktorë bërthamorë për të fuqizuar infrastrukturën e saj në rritje të inteligjencës artificiale me energji me karbon të ulët.
 

Në partneritet me kompaninë Kairos Power me bazë në Kaliforni, Google synon të sigurojë një furnizim të qëndrueshëm dhe të vazhdueshëm me energji për të përmbushur kërkesat e larta të energjisë elektrike të qendrave të saj të të dhënave.
 

Ndërsa projekti ende pret miratimin rregullator, ai përfaqëson një investim të rëndësishëm në përdorimin e energjisë bërthamore për të adresuar nevojat e mëdha për energji të industrisë së teknologjisë për inteligjencën artificiale. Ky është marrëveshja e parë në botë që një kompani blen energji drejtpërdrejt nga reaktorët bërthamorë.