Instituti Hidrometeorologjik i Kosovës ka njoftuar se gjatë dy ditëve të fundjavës do të mbajë mot me diell dhe me vranësira të pakta. Temperaturat maksimale do të shkojnë deri në 33 gradë Celsius.

Të shtunën parashihet të mbajë mot me diell. Temperaturat minimale do të lëvizin ndërmjet 10-13 gradë Celsius, ndërsa maksimalet e ditës parashihen të lëvizin ndërmjet 26-30 gradë Celsius. Do të fryjë erë e lehtë nga drejtimi i verilindjes dhe jugperendimit.

Po ashtu të dielën do të mbajë mot me diell por me vranësira të pakta, të cilat më të fokusuara mund të jenë rreth relievit malor.

Temperaturat minimale do të lëvizin ndërmjet 11-14 gradë Celsius, ndërsa maksimalet e ditës parashihen të lëvizin ndërmjet 29-33 gradë Celsius. Do të fryjë erë nga veriperëndimi e lehtë deri mesatare.