Llogaritë e disa personazheve të famshëm dhe mediave në TikTok janë vënë në shënjestër të një sulmi kibernetik.
Një llogari që është vjedhur i përkiste agjencisë së lajmeve të CNN:
“Ne po punojmë ngushtë me CNN për të rikthyer aksesin në llogari dhe për të zbatuar masa të reja sigurie për të mbrojtur llogarinë e tyre në vijim,” tha një zëdhënës i TikTok.
“Ne jemi të përkushtuar për të ruajtur integritetin e platformës dhe do të vazhdojmë të monitorojmë për çdo aktivitet të mëtejshëm joautentik,” shtoi ai.
TikTok tha se edhe llogaria e Paris Hilton ishte gjithashtu në shënjestër, por për fat të mirë nuk ishte vjedhur.