Rita Ora është një ndër artistet më aktive në skenën muzikore ndërkombëtare.

Kësaj radhe, Rita ka njoftuar se do të udhëheqë dhe performojë në një nga ngjarjet më të mëdha të Vitit të Ri në ‘Times Square’ të New Yorkut.

Njoftimi i saj emocionues në Twitter shpalli rolin e saj si bashkë-prezantuese e mbrëmjes së Vitit të Ri ‘Rockin Eve’ me Ryan Seacrest.

Përmes platformat e saj sociale, ajo ndau lajmin me ndjekësit dhe shprehu nderin dhe entuziazmin për këtë traditë festive të madhe.
Ky moment i ri në karrierën e Ritës, e cila ka një vend të sigurt në skenën globale të muzikës, konfirmon suksesin e saj të vazhdueshëm.

Më 31 Dhjetor në ora 8/7c në ABC, Rita Ora do të sjellë performancën e saj të jashtëzakonshme nën dritat e ‘Times Square’, duke bërë natën e Vitit të Ri një kujtim të ndritshëm për të gjithë.

“Është nder të jem bashkë-prezantuese e mbrëmjes së Vitit të Ri ‘Rockin Eve’ me Ryan Seacrest drejtpërdrejt nga ‘Times Square’. Mos e humbisni më 31 Dhjetor në ora 8/7c në ABC”, ka shkruar 33-vjeçarja në Twitter.