Me qëllim të rritjes së produktivitetit në punë dhe evitimit të pauzave të shpeshta që duhanpirësit i kërkojnë gjatë ditësn, një kompani nga Japonia, ka vendosur që t’i ndajë 6 ditë të plota pushim brenda një viti, për gjithë punonjësit që nuk janë duhanpirës.

Piala Inc, e ka marrë këtë vendim pas ankesave të shumta që kanë bërë jo-duhanpirësit në menaxhment, për shkak të kolegëve të tyre, të cilët nga daljet e shpeshta, kanë shkaktuar dekoncentrim në punë dhe vonesa në kryerjen e detyrave.

Në fakt, nisma ka nis të jap rezultatet e para, pasi disa punonjës kanë thënë se kanë hequr dorë nga ky ves, vetëm që të kenë më shumë ditë pushimi gjatë vitit, për t’i shfrytëzuar ato me familjen dhe me aktivitete të ndryshme sportive.