Mjedrat janë të mbushura me vitamina, antioksidantë dhe fibra. Ngrënia e tyre është një mënyrë e e mirë për përmirësim të shëndetit tuaj.

Dobitë shëndetësore të mjedrës janë të shumta dhe ato janë pjesë e rëndësishme e një diete të ekuilibruar.

Të njohura për ngjyrën e tyre të kuqe të gjallë, mjedrat sjellin shumë më tepër në tryezë sesa thjesht ëmbëlsi.

Mjedrat përmbajnë vitamina C dhe K, si dhe fibra dhe minerale të ndryshme. Për më tepër, ato janë të mbushura me komponime antioksiduese që ndihmojnë në mbrojtjen e trupit nga dëmtimi nga radikalet e lira.

Të pakta në kalori, por të larta në fibra, mjedrat janë të përsosura për ata që përpiqen të bien në peshë, ndërkohë që ende marrin lëndët ushqyese që u nevojiten.

Që nga një sistem imunitar i shëndetshëm e deri te shëndeti kardiovaskular, dobitë e mjedrave janë të shumta, shkruan PinkVilla.

Të përbëra nga kokërra të vockla rreth një bërthamë të pangrënshme, mjedrat kanë qenë pjesë e dietës njerëzore për mijëvjeçarë të tërë.

Me origjinë nga Azia Lindore, ato janë përhapur në mbarë botën, duke pasuruar pjata të ndryshme nga ëmbëlsirat deri te sallatat. Të mbushura me fibra dietike, antioksidantë, vitaminë C, vitaminë K dhe mangan, mjedrat ofrojnë përfitime të shumta shëndetësore, duke ndikuar në imunitet, shëndetet të zemrës dhe tretje.

Një sasi prej 100 gramësh mjedra përmban:

Fibra dietike: 2.9-3.9 gram

Proteina: 0.34-1.3 gram

Vitamin C: 13.6-31.1 mg

Anthocyanin: 0.2-83.6 mg

Niacin: 0.14-0.90 mg

Resveratrol: 0.1-0.9 mg

Piceid: 0.2-3.1 mg

Kalium: 118.8-388.0 mg

Hekur: 0.29-0.97 mg