Studiuesit kanë gjetur se qelizat e trurit të femrave dhe ato të meshkujve kanë reagime të ndryshme ndaj stresit

Studiuesit kanë bërë një studim të qelizave të trurit të femrave dhe meshkujve. Gjatë këtij studimi ata kanë vënë re se femrat dhe meshkujt kanë reagime të ndryshme ndaj stresit dhe depresionit. Tani ata po e shtyjnë këtë studim më tutje në nivel molekular.

Studimi është bërë në institut të psikiatrisë në Munich. Ai që ka bërë këtë zbulim është profesori Alon Chen.

Studiuesit shpresojnë se gjetjet do të çojnë përfundimisht në terapi të përshtatura për gjinitë përkatëse për çrregullime psikiatrike të lidhura me stresin, si ankthi, depresioni, çrregullimi post-traumatik i stresit (PTSD), dhe gjithashtu disa çrregullime të lidhura me stresin si diabeti.

Historikisht studime të tilla janë bërë vetëm në trurin e meshkujve. Që nga 1980 studiuesve u është kërkuar që të bëjnë studime edhe në trurin e femrave në nivele të detajuara të studimeve si ai molekular, ka thënë dr. Elena Brivio.

Ajo duke folur për studimin ka treguar se studimet janë bërë në trurin e minjve pasi që ka ngjashmëri të madhe me atë të njeriut. “Ata edhe bëjnë sjellje të depresionit pothuajse të njëjta si njeriu”, ka thënë Brivio.

Dy të tretat e diagnozave të depresionit janë te gratë. Ndërsa burrat e diagnostikuar me depresion kanë tendencë të tregojnë më shumë zemërim, gratë shfaqin më shumë tërheqje nga jeta sociale, humbje të motivimit dhe mungesë kënaqësie.

"Ne e dimë se disa ilaçe për patologjitë e lidhura me stresin funksionojnë më mirë te meshkujt dhe disa funksionojnë më mirë te femrat, por ne nuk e dimë se pse. Kjo është e pjesërishme sepse ne nuk dimë shumë për vetë çrregullimet... Por kjo është gjithashtu e pjesërishme sepse askush nuk është shqetësuar të studiojë biologjinë femërore", tha Brivio.

Kur aplikuan sekuencimin e ARN-së në qelizat PVN të miut, ata shikuan të gjitha qelizat jo vetëm neuronet (qelizat nervore). Ata zbuluan se lloje të ndryshme qelizash reagojnë ndaj stresit në mënyra të ndryshme dhe se kishte dallime gjinore.

Përveç hetimit në të ardhmen nëse gjetjet te minjtë janë të njëjta si te njerëzit, Brivio theksoi se vlera e dallimeve gjinore që ajo dhe kolegët e saj gjetën nuk është ende e qartë.

"Dallimet mund të jenë pozitive ose mund të jenë negative. Mund të jetë se këto ndryshime në qelizat që kemi vërejtur te meshkujt janë një lloj ndryshimi mbrojtës, ose mund të jetë një ndryshim i dëmshëm," tha ajo.