Nëse përmirësoni dietën tuaj atëherë ulni rrezikun për t’u sëmurë nga sëmundje të rënda, i jepni një shtytje imunitetit e po ashtu ndihmon në zhvillimin e trurit, raporton “The Sun”.

Një hulumtim i ri ka zbuluar pesë ushqimet e caktuara që mund t’ju ndihmojnë të jetoni më gjatë dhe të gjitha janë me bazë bimore.

Shkencëtarët në SHBA kanë zbuluar se ngrënia e drithërave, frutave, perimeve pa niseshte, arrave dhe vajrave të pangopura mund të ndihmojë në uljen e rrezikut të disa sëmundjeve të rënda, duke e bërë të mundur të jetoni më gjatë.

“Këto ushqime të shëndetshme me bazë bimore ishin të lidhura me rrezikun më të ulët nga sëmundjet kronike, si sëmundjet e zemrës, kanceri i zorrëve, diabeti, sulmet në tru”, ka thënë autori i studimit Linh Bui nga Universiteti i Harvardit.

Studiuesit analizuan dietat dhe rezultatet shëndetësore të tyre, te mbi 100 mijë pjesëmarrës për më shumë se tri dekada.

Zbuluan se ata që aplikojnë dietë më tepër nga ajo vegane, kanë 15 për qind më pak gjata të vdesin nga kanceri apo sëmundjet e zemrës.

Grupi i njëjtë ka 20 për qind më pak gjasa të vdesë nga sëmundjet neurodegjeneretive si dementia, dhe 50 për qind më pak gjasa që të vdesin nga sëmundjet e traktit respirator.

Ndërkohë është zbuluar se ata që përdorin më pak ushqime me bazë bimore, e përdorin më teprë mish e vezë, kanë më tepër gjasa që të përfundojnë me sëmundje kronike.