Aston Martin do ta zbulojë modelin e ri këtë fundjavë në “Monterey Car Week”, njofton “AutoExpress”.

Aston Martin pritet ta zbulojë modelin DB12 Volante. Kjo veturë është parë në fazat e fundit të zhvillimit, ndërsa pritet të bëjë paraqitjen e parë publike në “Monterey Car Week” në Pebble Beach.

Zbulimi i modelit të ri koincidon me 110-vjetorin e firmës britanike.

Foto të modelit të ri DB12 kishin dalë nëpër media.

Si në modelet e kaluara të Aston Martin Volante nuk pritet të ketë ndryshime të mëdha në trung krahasuar me coupet. I vetmi ndryshim i dukshëm është çatia e fabrikuar.

Modeli DB12 Volante pritet të dalë në shitje këtë vit, ndërsa nuk dihet ende sa do të kushtojë. Por, pritet të kushtojë pak më tepër se 185 mijë funte sa kushton DB12 coupe./koha/