Një sërë vonesash kanë shkaktuar shtyrjen e datës së fillimit të prodhimit, por së më në fund vetura do dalë në treg.

Zëdhënësi i Lotus deklaroi se fabrika në Hethel të Anglisë, veçse ka filluar me montimin e Evija-s, dhe klientët e parë veturat e tyre do t’i marrin në javët në vijim, shkruan Arena EV, përcjell Telegrafi.

Megjithatë, nuk dihet se sa nga 130 njësitë e planifikuara për prodhim janë shitur deri më tani.

Tetorin e kaluar, kompania njoftoi se të gjitha veturat e planifikuara për prodhim këtë vit veçse janë shitur, dhe vlerësimet janë të bazuara në rezervime.

Lotus tutje vuri në pah se shumica prej tyre janë blerës të interesuar, por se akoma nuk e kanë bërë porosinë e tyre. /Telegrafi/