Kompania Rajonale e Ujësjellësit “Prishtina”, ka njoftuar se sot do të realizohen punime teknike, në përmirësimin e infrastrukturës së rrjetit të ujësjellësit.

Sipas njoftimit, punimet realizohen te lagjja 038, me ç ‘rast pa furnizim me ujë, sot duke filluar nga ora 09:00-16:00 do të mbesin lagjet: Hajvalia, lagjja 038, Veterniku, lagjja Qëndresa, Qershia, NIC, Priam Village, Swiss Village, Zona Industriale Çagllavicë deri te Hotel Emerald.

“Ju rekomandojmë që për shkak të punimeve, kur uji të vije në krojet tuaja, lërini ato të rrjedhin për pak minuta sepse mund të jetë i turbullt, por pa shqetësim”, thuhet në njoftim./koha/