Ministria e Financave ka njoftuar se, në bazë të platformës “Superpuna” janë suspenduar 20 biznese, kjo si rezultat i mosrespektimit të termeve dhe kushteve të platformës, të cilat janë vërejtur gjatë monitorimit në teren të përfitueseve. 

Sipas kësaj ministrie, monitorimi i bizneseve përfituese nga platforma “Superpuna” është i rregullt dhe i vazhdueshëm.

“Udhëzojmë bizneset që t'u përmbahen detyrimeve të tyre, ashtu që në vazhdimësi të kenë mundësinë të përfitojnë nga politikat mbështetëse të Qeverisë”, thuhet në njoftimin e MF-së./rtk/