Radio Plus 102.2 FM

call + 383 44 776 000

La casa de +

p

Radio +

102.2FM

Profili

 E Hëne  - E Premte

 12:00 - 13:45

+383 44 776 000

Livestream

Dëgjo Radio Plus Live

Temperaturat e larta mobilizojnë Agjencinë e Ushqimit për inspektime

Vendi  |  19.07.2023 Ora 10:49   

Në këto ditë kur temperaturat kanë shënuar ngritje, Agjencia e Ushqimit dhe Veterinës ka ngritur kapacitetet e saj, në inspektim të dyqaneve ushqimore. Përfaqësues të organizatave për mbrojtjen e konsumatorit, thonë se rreziku më i madh është në vendet rurale ku inspektorati nuk është fare i pranishëm.

 

Ushqimet më të rrezikshme që mund të prishen gjatë temperaturave të larta janë mishi dhe produktet ushqimore të prodhuara nga vezët. Agjencia e Ushqimit dhe Veterinës në këtë vapë të madhe, ka ngritur gatishmërinë në nivel vendi, që ushqimi i cili konsumohet nga qytetarët, të ruhet në kushte adekuate.

Zëdhënësi, Lamir Thaçi, duke folur për Radio Kosovën, pohon se nuk ka ushqime të pasigurta në treg, sepse siç thotë ai, çdo ditë kur hasin në të tilla, i asgjësojnë ato.

 “Nuk mund t’iu them që ka në treg, sepse ne kurdo që hasim në treg produkte të dyshimta, menjëherë veprojmë duke pamundësuar kontaktin me konsumatorin dhe vendoset për asgjësimin e tyre. Ne çdo ditë jemi në teren në nivel vendi, por siguria e produkteve nuk nënkupton vetëm kontrollin tonë, duhet edhe kujdes nga vet konsumatorët në mënyrën qysh manipulojnë me ushqimet”, tha Thaçi.

Nga Organizata e konsumatorëve kërkojnë që qytetarët të jenë të kujdesshëm se ku blejnë produkte ushqimore. Selatin Kaçaniku nga organizata “Konsumatori”, duke folur për Radio Kosovën thotë se në Prishtinë kontrollet janë më të rrepta, por jo edhe në qytetet e tjera e viset rurale, ku rreziqet janë më të mëdha.

 “Nuk mund ta masim cilësinë e ofertave në Prishtinë me atë në periferi të Prishtinës, qyteteve të tjera apo në viset rurale, ku këmba e inspektorit as të tregut dhe AVUK-ut, nuk ka shkelur asnjëherë. Ne duhet të brengosemi edhe për ata të tjerët të cilët nuk e kanë parë kurrë inspekcionin dhe të cilët bëjnë atë që e bëjnë në mënyrë tejet primitive dhe pa asnjë kontroll, dhe natyrisht që rreziku është shumë më i madh”, tha Kaçaniku.

Sidoqoftë, Agjencia e Ushqimit bënë thirrje tek qytetarët të cilët hasin në produkte të prishura, t’i denoncojnë rastet pranë inspektorateve përgjegjëse./rtk/

Komentet

Marketing

 

Tjera në Vendi

Marketing