“Pa një arsye të vlefshme, mjetet motorike nuk duhet të lëvizin aq ngadalë sa të pengojnë rrjedhën e trafikut. Shoferi duhet të ngasë brenda kufijve të shpejtësisë në një mënyrë që kontribuon në rrjedhën e trafikut. Kufiri i ngasjes së ngadaltë është aty ku të tjerët pengohen qëllimisht”, është përgjigja e autoriteteve gjermane për këdo që pyet se cili është kufiri minimal i shpejtësisë në autostradë në Gjermani.

Sipas Aktit të Trafikut Rrugor (StVO), në autostrada lejohen vetëm ato automjete që për shkak të performancës së tyre mund të lëvizin me shpejtësi më të madhe se 60 km/h.

Kushdo që pengon me dashje automjetet e tjera duke vozitur ngadalë mund të gjobitet me 20 euro.

Rregulloret e trafikut diktojnë gjithashtu që shpejtësia duhet të përshtatet me rrethanat, duke përfshirë kushtet e rrugës, kushtet e trafikut dhe kushtet e motit.

Shkathtësitë individuale të shoferit luajnë gjithashtu rol: për shembull, një shofer fillestar mund të drejtojë më me kujdes dhe ngadalë.
ADAC përmend gjithashtu automjetet e mëdha dhe të rënda, si dhe veturat e vjetra me fuqi të ulët motori si një tjetër arsye të mundshme për shpejtësi të ulët në autostradë.