Policia e Kosovës ka informuar sot se ka shpallur konkurs për pranimin e zyrtarëve policorë sipas kushteve të parapara të konkurrimit.

Siç është bërë e ditur në njoftim, kandidatët që aplikojnë për zyrtarë policorë në Policinë e Kosovës duhet t’i përmbushin kriteret e mëposhtme:

a) Të jetë shtetas i Republikës së Kosovës;

b) Të jetë i moshës 18-30 vjeçar;

c) Të ketë të përfunduar shkollimin e mesëm;

d) Të jetë në gjendje të mirë fizike, mentale dhe emocionale;

e) Të mos jetë i dënuar për ndonjë vepër penale;

f) Të mos posedojë tatuazh në pjesë të dukshme të trupit;

g) Të ketë integritet personal dhe vlera të larta etike.

Konkursi do të jetë i hapur deri më 26 korrik 2023.