Filmi vjen i realizuar nga regjisori Scott Waugh, dhe në të, Cena dhe Chan, i portretizojnë dy ish-ushtarë të forcave speciale në një mision për t’i shoqëruar disa civilë përgjatë një prej rrugëve më të rrezikshme në botë, të quajtur “Autostrada e Vdekjes”, e cila kalon nëpër Bagdad. Dyshja do ta dërgojë këtë grup njerëzish në zonën e sigurt, por gjatë rrugës, ata do të përballen me shumë sfida dhe situata të rrezikshme.

Të dy, Chan dhe Cena, janë aktorë protagonistë në filmin e ri, duke e pasuruar edhe më shumë karrierën e tyre epike në zhanrin aksion. Krahas tyre, kastës së filmit i bashkohen edhe aktorët: Pilou Asbaek, Minghau Hou, Amadeus Serafini, Li Ma dhe Rachael Holoway.

“Hidden Strike” ka kohë që është xhiruar, më saktësisht në vjeshtën e vitit 2018, ndërsa lansimi i filmit nëpër kinema po planifikohet kah fundi i këtij viti.