Oforitsenere Bodunrin, 14 vjeçe, u diplomua në shkollën e mesme “James Martin” në Arlington, ku shërbeu si redaktore e gazetës së shkollës, transmeton Telegrafi.

Adoleshentja planifikon të studiojë shkenca kompjuterike dhe aviacion këtë vjeshtë në Universitetin e Teksasit në Arlington.

“Ndjehem mirë që diplomova me gjeneratën e vitit 2023”, tha ajo në një njoftim për shtyp nga Distrikti i Shkollës së Pavarur Arlington.

“Është interesante të jesh në këtë pozicion, sepse ndonjëherë e krahasoj veten me moshatarët e mi që janë më të vjetër, por më pas mendoj për këtë dhe kuptoj që diplomimi në moshën 14-vjeçare është një arritje e madhe”.