Dacia Sandero është vetura e re më e shitur në Evropë për muajin prill, shkruan Autoblog.

Regjistrimet e veturave të reja në Evropë gjatë muajit prill u rritën me 16%, në 960.191 automjete, sipas të dhënave të JATO Dynamics.

Modeli më i shitur në Evropë në muajin prill është Dacia Sandero me gjithsej 18.659 njësi, që paraqet një rritje prej 44% krahasuar me prillin 2022.

Pasuar nga Volkswagen T-Roc (16.746 njësi), Opel/Vauxhall Corsa (16.578 njësi), Renault Clio (15.592 njësi) dhe Peugeot 208 (15.026 njësi).

Më tej në listën e më të shiturave në prill janë Fiat/Abarth 500, Toyota Yaris Cross, Volkswagen Golf, Dacia Duster, Škoda Octavia, Kia Sportage, Hyundai Tucson dhe Ford Puma.

Tesla Model Y mbetet vetura elektrike më e shitur me 10.553 njësi në prill, të mjaftueshme për të ruajtur pozicionin e saj si veturë e re më e shitur në Evropë në katër muajt e parë.