Libri “Historia e Shteteve të Bashkuara” do të kthehej në një bibliotekë kaliforniane më 21 shkurt 1927. Por, ky libër është rikthyer në bibliotekën amerikane me pothuajse 100 vjet vonesë, raportoi të dielën “Sky News”.

Ky libër nga historiani amerikan, Benson Lossing, mendohet të jetë botuar në 1881.

Ishte huazuar nga Biblioteka Publike e Shën Helenas në California me datë kthimi më 21 shkurt 1927. Megjithatë, ai kthye vetëm pak ditë më parë, me 96 vjet vonesë. Burri që e ktheu librin në tavolinën e pritjes nuk tregoi asnjë detaj për veten e tij përpara se të largohej.

Ai nuk i detyrohej para bibliotekës pasi ajo nuk ka përdorur gjoba që nga viti 2019, sipas drejtorit të bibliotekës Chris Kreiden. Sipas dënimit të vjetër të bibliotekës, ky person do të duhej të paguante mbi 1,700 dollarë.

Stafi i bibliotekës tani po tenton të gjurmojë njeriun për të mësuar se si e gjeti librin.