Aktori Johnny Depp u emocionua teksa mori një ovacion prej shtatë minutash në Festivalin e Filmit në Cannes të martën në mbrëmje.

Aktori 59-vjeçar u kthye në qendër të vëmendjes për herë të parë që nga beteja e tij gjyqësore për shpifje me ish-bashkëshorten Amber Heard vitin e kaluar për të marrë pjesë në natën e hapjes së ngjarjes vjetore për një shfaqje të filmit të tij “Jeanne Du Barry”. Ai u emocionua nga reagimi i publikut.

Regjisorja ishte gjithashtu e përlotur teksa mori për pak kohë mikrofonin në shfaqjen e filmit në gjuhën franceze, në të cilin ajo luan rolin e Jeanne du Barry të klasës punëtore përballë aktorit të “Pirates of the Caribbean” si ish-mbreti i Francës Louis XV.