Ed Sheeran për Eminem: Ai më shëroi belbëzimin tim

Muzikë | 17.05.2023 Ora 8:44

Ed Sheeran ka pohuar se këndimi rap me albumin e Eminem të vitit 2000 ‘The Marshall Mathers LP’ e “kuroi” belbëzimin e tij.

Fituesi 32-vjeçar i Grammy-t, i cili që atëherë ka bashkëpunuar dhe performuar me ikonën e repit, ka zbuluar se duhet falënderuar Eminemin, për ndihmën për të rregulluar pengesën e tij në të folur.

Ed tha: “Ai shëroi belbëzimin tim. Unë mendoj se është ndryshe me Eminem sepse ai është mjaft i izoluar, nuk sheh apo takon kaq shumë njerëz. Unë e njoh atë tani për gjashtë vjet dhe kemi bërë tre këngë së bashku, kam luajtur me të dy herë në skenë. Ai është një person tjetër me të cilin kam lidhje, pasi ai ende jeton në qytetin e tij të lindjes dhe ka ekosistemin e tij rreth tij.”