Ferrari tani vlen më shumë në bursën e Milanos sesa ish-kompania mëmë Stellantis.

Çmimi i aksioneve të prodhuesit italian të veturave sportive, u rrit me 34 për qind këtë vit dhe tani vlen 53.9 miliardë dollarë (50 miliardë euro).

Ndërkohë, Stellantis ka një vlerësim prej 51.48 miliardë dollarësh, sipas Automotive News Europe.

FCA (tani Stellantis) u shkëput nga Ferrari në 2015 dhe e listoi atë në bursat në Nju Jork dhe Milano.

Çmimi fillestar i ofertës publike ishte 52 dollarë për aksion. Që nga publikimi i kësaj historie, aksioni tani po tregtohet me 295,73 dollarë (270,38 €).

Ferrari raportoi një rekord 13,221 dërgesa automjetesh në vitin 2022, nga 11,155 modele në 2021.

Fitimi neto prej 1.024 miliardë dollarë (939 milionë euro) ishte gjithashtu më i lartë se kurrë, pasi postoi një shifër prej 909 milionë dollarësh vitin e kaluar (833 milionë euro.

Në atë kohë, prodhuesi italian i veturave sportive parashikoi se do të performonte edhe më mirë në vitin 2023, me të ardhura neto të vlerësuara prej 6,224 miliardë dollarë (5,7 miliardë euro).

Në tremujorin e parë të 2023, Ferrari dorëzoi 3,457 automjete, 9.7 për qind më shumë nga e njëjta periudhë e vitit 2022.