Dua Lipa ka një tjetër projekt emocionues përpara, pasi ajo do të regjistrojë këngën e filmit të shumëpritur “Barbie”.

Filmi “Barbie” i Greta Gerwig do të ketë Margot Robbie në rolin e kukullës ikonike, ndërsa Ryan Gosling do të luajë personazhin e Kenin.

Ndërsa këngëtarja Dua, 27 vjeçe, do të jetë e përfshirë në projekt, pasi ajo do të publikojë një hit që është shkruar enkas për filmin, shkruan DailyMail.

Përveç shkrimit të këngës për epikën e mbushur me yje, Dua do të luajë gjithashtu si një version sirene i “Barbie”.

Ndërkohë që lajmi u prit mirë nga shumë fansa të etur, disa ishin të zemëruar që melodia e vitit 1997 në krye të listës “Barbie Girl” nga “Aqua” nuk po përdorej, ndërsa të tjerë kërkuan që Britney Spears të ishte këngëtarja e këngës.

Përveç shkrimit të një himni pop për filmin ‘aksion live’, Dua do të luajë gjithashtu si një kukull “Barbie”, së bashku me Margot në versionin kryesor të personazhit.

Një pamje e parë e shpërndarë në faqen zyrtare të Instagramit të filmit “Barbie”, Dua shihet e veshur si një version sirene i kukullës ikonike “Mattel”.

Krijuesja e hiteve “Levitating” tregoi figurën e saj të pabesueshme me një bluzë të kaltër vezulluese dhe një fund të ngjashëm teksa mishëronte një sirenë.

Ajo përshtati pamjen e saj të bujshme me një gjerdan me rruaza dhe një palë vathë rrathë, ndërsa zgjodhi një grim të theksuar me nuanca të kaltra.

Dua kishte veshur një paruke me ngjyrë të kaltër, e cila i vinte mbi supet e saj në valë magjepsëse për të kompletuar pamjen.

Krahas fotos, roli i saj u zbulua në një mbishkrim, ku shkruhej: ‘Dua Lipa. Kjo Barbi është një sirenë’.

Duke reaguar ndaj lajmit, fansat e etur shkuan në seksionin e komenteve për t’u vërshuar mbi të dhe për të ndarë emocionin e tyre që ajo do të luajë si një kukull “Barbie”.

Dua do të luajë vetëm si një version i “Barbie”, ndërsa kukulla ikonë do të jetë e gjallë nga një sërë yjesh, të cilët secili do të marrë një aspekt të karakterit të gjithanshëm.

Emma Mackey do të luajë si një “Barbie” që ka një çmim Nobel në fizikë, ndërsa Nicola Coughlan do të luajë si një version diplomatik i kukullës.

Me Margot që drejton kastin gjithëpërfshirës, ​​Hari Nef do të luajë një version doktor të kukullës, ndërsa Sharon Rooney do të luajë një avokate “Barbie” dhe Alexandra Shipp do të jetë një autore.

Kasti më i gjerë përfshin gjithashtu Kingsley Ben-Adir, Issa Rae, Michael Cera, Rhea Pearlman, Emerald Fennell, Scott Evans, Ritu Aryau, Jamie Demetriou dhe Marisa Abela.

Debutimi i Dua në aktrim vjen pasi ajo u bë një emër i njohur në vitin 2018, kur hiti i saj, “One Kiss”, kryesoi listat në mbarë botën.

Vitin e kaluar u zbulua se ajo ishte larguar nga kompania e saj menaxhuese TaP music dhe tani menaxhohet nga babai i saj, Dukagjini.

Përveç interpretimit në filmin “Barbie”, Dua do të marrë një tjetër rol aktrimi në ‘trailerin’ e ardhshëm të Matthew Vaughn, “Argylle”.

Detajet në lidhje me filmin e ardhshëm të “Barbie”, i cili përfundoi xhirimet korrikun e kaluar, janë mbajtur larg publikut, por një ‘trailer’ u publikua në dhjetor.

Filmi bazohet në linjën e kukullave të modës nga Mattel, ku CEO Mattell Ynon Kreiz tha se kompania priste që produkti “Barbie” të vazhdojë të rritet.

Marka ”Barbie” gjeneroi mbi një miliard funte në shitje bruto vitin e kaluar dhe kukulla mbushi 64 vjeç këtë javë, duke debutuar për herë të parë origjinalin më 9 mars 1959.