Ministria e Financave e Kosovës ka njoftuar se më 28 maj 2026 do të mbahet ankandi i dytë i letrave me vlerë për këtë vit.

Në këtë ankand do të emetohen obligacione shtetërore me maturitet 3-vjeçar në vlerë prej 20 milionë euro.

Sipas Ministrisë, investimi në obligacione konsiderohet i sigurt dhe garantohet me Ligjin për Borxhin Shtetëror dhe Garancitë Shtetërore. Interesi përcaktohet nga tregu dhe u garantohet investitorëve gjatë gjithë periudhës trevjeçare të maturimit, ndërsa është i liruar plotësisht nga tatimi.

Të gjithë të interesuarit për pjesëmarrje në ankand apo blerje të letrave me vlerë janë ftuar të kontaktojnë bankat komerciale që operojnë në Kosovë për informata shtesë dhe procedurat e aplikimit.